زینب محمد زاده؛ ممکن دی خیالیمدا چاتام من اونا بیرده

مهر تبریز-ممکن دی خیالیمدا چاتام من اونا بیرده

چاتماز بو ایکی گونلوق حیاتدا اونا بیرده

ممکن دی فراقینده کؤنول بیر کؤزه دونسون

مشکل دی محبت اؤدی چاتسین سونا بیرده

ممکن دی فغان دان اؤخویا مین گؤله بولبول

مشکل دی کی آیری گؤله کؤنلی قونا بیرده

ممکن دی کی یازدا پاییز اؤلسون قیشا دؤنسون

اولماز داها عاشیق گیره دؤننان دونا بیرده

غم داملاسی دامدی بو کؤنول بیر دنیز اؤلدی

مشکل دی آخار سئوگی دنیزده دونا بیرده

ممکن دی یاشیل بیر قوش اوچا عشوه نازیله

مشکل دی کی جانانه چاتا اؤل سونا بیرده

کام آل کی صنم قیلمایاجاقدیر وفا دنیا

چاتماز بو ایکی گونلوق حیات دا اونا بیرده
از اشعار ؛ دکتر زینب محمد زاده  متخلص به : صنم